* الخلـــيج و مضيقه "
دام الحبر باقي على صدر الاوراق
ماهمني لو يزفر الصدر ضيقه
بعض البشر سلوه على القلب لاضاق
وبعض البشر والله ماحد يـطيقه
في جـفني الأيمن مشاريه واعواق
وفي جـفني الأيسرتشب الحريـقه
الدمع هايج من ورى سد الأحداق
والنفس تزهم سدها لاتريـقه
والهم حوًل من على الراس للساق
والدرب هذا واضحٍ في طريـقه
اقبح نصيحه قالها عيال الاسواق
جامل ولا تجرح بـقول الحـقيقه
من بعدها صديت عن ربع الانـفاق
حتى زعل مني الخليج ومضيقه
يالهفة الضامي على حد الإرهاق
يمًا تبيع الشهد والأ تذيـقه
بالامس ناسيني واليوم مشتاق
حدك تعال وبلً حلقي وريـقه
تدري وش احسن خصلة بين الاخلاق
إنك تـقرب واحدٍ مايـطيقه
وتدري وش اشين نيةٍ وسط الاعماق
إنك تـفرق عاشقٍ عن عشيقه
وش عاد لو تدري عشقتك وتنطاق
يا اخي حرام ارجوك عطني دقيقه
غرقان في حبك وفي بحر الاشواق
الراس يطفو بس كفي غريـقه
جيتك وانا كلي تباشير وإشراق
تكفى تلبي لي مطالب عتيقه
الاوله.. خذني مع ريح الإشهاق
والثانيه ضمه لصدرك رقيقه
والثالثه عطني من الثغر ترياق
والرابعه عط عاشقك مايليقه
شفني على صوت التباشير انساق
مافيه داعي خط سيري تعيقه
خلني اضمك دام لي صدر ذواق
وخلني اشم الورد واطعم رحيقه
وشارك معي في قصة اثنين عشاق
خل الرفيق ينال صحبة رفيقه
مادمت في حبري على صدر الاوراق
ماهمني لو تزفر العين ضيقه
ومادمت آنا ماني من عيال الاسواق
قول الحـقيقه لو جروحك حـقيقه
دام الحبر باقي على صدر الاوراق
ماهمني لو يزفر الصدر ضيقه
بعض البشر سلوه على القلب لاضاق
وبعض البشر والله ماحد يـطيقه
في جـفني الأيمن مشاريه واعواق
وفي جـفني الأيسرتشب الحريـقه
الدمع هايج من ورى سد الأحداق
والنفس تزهم سدها لاتريـقه
والهم حوًل من على الراس للساق
والدرب هذا واضحٍ في طريـقه
اقبح نصيحه قالها عيال الاسواق
جامل ولا تجرح بـقول الحـقيقه
من بعدها صديت عن ربع الانـفاق
حتى زعل مني الخليج ومضيقه
يالهفة الضامي على حد الإرهاق
يمًا تبيع الشهد والأ تذيـقه
بالامس ناسيني واليوم مشتاق
حدك تعال وبلً حلقي وريـقه
تدري وش احسن خصلة بين الاخلاق
إنك تـقرب واحدٍ مايـطيقه
وتدري وش اشين نيةٍ وسط الاعماق
إنك تـفرق عاشقٍ عن عشيقه
وش عاد لو تدري عشقتك وتنطاق
يا اخي حرام ارجوك عطني دقيقه
غرقان في حبك وفي بحر الاشواق
الراس يطفو بس كفي غريـقه
جيتك وانا كلي تباشير وإشراق
تكفى تلبي لي مطالب عتيقه
الاوله.. خذني مع ريح الإشهاق
والثانيه ضمه لصدرك رقيقه
والثالثه عطني من الثغر ترياق
والرابعه عط عاشقك مايليقه
شفني على صوت التباشير انساق
مافيه داعي خط سيري تعيقه
خلني اضمك دام لي صدر ذواق
وخلني اشم الورد واطعم رحيقه
وشارك معي في قصة اثنين عشاق
خل الرفيق ينال صحبة رفيقه
مادمت في حبري على صدر الاوراق
ماهمني لو تزفر العين ضيقه
ومادمت آنا ماني من عيال الاسواق
قول الحـقيقه لو جروحك حـقيقه